Aontroim

Is grúpa Gaeilge agus cultúrtha é Glór na Móna atá lonnaithe i gceantar Uachtar Chluanaí, iarthar Bhéal Feirste. Eagraíonn Glór na Móna féilte, seisiúin óige trí mheán na Gaeilge, imeachtaí agus ranganna Gaeilge.

Tá Glór an Tuaiscirt lonnaithe i dTuaisceart Bhéal Feirste agus tairgeann siad réimse de ranganna Gaeilge a fhreastalaíonn ar leibhéil éagsúla.

Tairgeann Forbairt Feirste comhairle, eolas agus/nó cúnamh ar ghné ar bith den Ghaeilge i mBéal Feirste. Is ionad ilfhreastail é fosta maidir le comhairle ar ghnó le Gaeilge. Eagraíonn siad agus forbraíonn siad réimse leathan de thionscadail Ghaeilge.

Is é Foras na Gaeilge (a bhfuil oifigí i mBéal Feirste acu agus ar fud an oileáin) an t-ollbhealach a thabharfaidh thú chuig an áit cheart le teacht ar an eolas atá de dhíth ort faoin Ghaeilge.

Is eagraíocht ionadaíochta í Fóram na nÓg don earnáil óige Ghaeilge.  Is é príomhaidhm na héagraíochta obair óige trí mheán na Gaeilge a láidriú agus a chur chun cinn.
Fóram na nÓg is a body that represents the Irish-medium youth sector. The primary aim of the organistion is to strengthen and develop youth work through the medium of Irish.

Is grúpa pobail é Misean Bhéal Feirste Thoir a thairgeann ranganna agus imeachtaí teanga agus cultúir mar chuid den chlár s’acu.

Tá Cumann Cultúrtha Mhic Reachtain lonnaithe i dtuaisceart Bhéal Feirste agus eagraíonn siad ranganna, imeachtaí seachtainiúla Gaeilge agus seisiúin don óige chomh maith le Scoil Samhraidh Mhic Reachtain a bhfuil clú fada leitheadach uirthi.

Tá Cumann Chluain Árd suite ar Shráid na Sceiche, Béal Feirste agus tairgeann sé réimse leathan de ranganna, de cheardlanna agus d'imeachtaí Gaeilge. Tum thú féin sa Ghaeilge, foghlaim í nó cuir snas ar an Ghaeilge atá agat cheana féin i gCumann Chluain Árd.